ياعذب الكلام

يا خفيف الروح يا عذب الكـلام

صد بوحك باريـن حالـي بـري

لا ولا غيـرك ابـد والله حـرام

التــقيه و ينشرح بـه خاطـري

عايش الوحده وانا بوسط الزحام

دونكم قلبـي بسطـح المشتـري

اتشوق له مثـل غيـث الغمـام

منهـلا عـذبٍ ولا منـه ارتـوي

اختلق اسباب أنـا وصلـك دوام

واتعذر لجل صوتـك و احتـري

ولا لفاني الصوت يغشيني هيـام

تمضي الساعات غافـي مـا دري

اتمتع من حكـي زيـن القـوام

را حروفٍ من حروفه جوهـري

و لا ضحكتي هام قلبي فيك هام

تزهر الدنيا بعينـي يـا زهـري

و توقضيني فزع لا قلتي ختـام

واختلق موضوع و اقول اصبـري

ودي ابدي لك بشوقي و الغـرام

واعترف انـك تسـاوي ناظـري

في الحشى آهات و اخشاه الملام

وخوف بعدك ساطين في ضامري

وانهض أحروفي ويعجزني الكلام

تخرس الكلمه و أنـا زاد اقهـري

روحـي الولهـا الجمهـا لجـام

ضاعت الفرصه و لا عنـي دري

آآه لوتـدري بعـيـنٍ ماتـنـام

مظلمه الدنيا بدونـك يـا قمـري



شاكراً لكم تواجدكم البهي

اعذب المنى و اصدقها لقلوبكم النقية